Stórt svarthol?

Mér skildist svona einhvern veginn að mergurinn málsins með svartholum væri að þau væru svona kvikindi þarsem allur massinn hefur fallið saman í einn punkt...svo að tæknilega séð væru öll svarthol 'jafn stór'. En svo getur verið að þeir eigi við að það sé 18-milljarða sinnum meiri massi í þessum tiltekna punkti heldur en í sólinni...eða að það sé svo mikil massi í þessum punkti að  'event horizon' svartholsins sé 18 milljarða sinnum umfangsmeiri en sólin.

 

En svo getur líka verið að þetta sé bara einhver skilmysingur hjá mér.

Gríðarstórt svarthol fundið

Athugasemdir

[Gunnar (IP-tala skráð) 26.1.2008 kl. 11:34]

Það hlýtur að vera átt við að svartholið hafi 18 milljörðum meiri massa en sólin. En það er hálf ruglingslegur texti í þessari frétt og erfitt að átta sig á henni

[Fannar frá Rifi, 26.1.2008 kl. 11:41]

Ég man þetta ekki alveg en: Ef öll atóm í jörinni væru kreist saman þannig að ekkert bil væri á milli þeirra þá væri jörðin á stærð við körfubolta.

Svarthol er þegar það er ekkert bil inn í atómunum. það verður ekkert bil á milli einda. Þannig yrði sólinn okkar kannski á stærð við baun eða jafnvel sandkorn.

Þó mogga menn séu ekki alveg með þetta á hreinu þá hlýtur að vera átt við massa. Það er ekki hægt að áætla stærð svarthols en það er hægt að áætla massa þess miðað við áhrifa þess á nærliggjandi sólkerfi og plánetur. 

[ViceRoy, 26.1.2008 kl. 11:45]

Það er akkúrat mergurinn málsins... þegar það verður til. Því meira sem það sýgur í sig, því stærra verður það svo :D

[Þorvaldur V. Þórsson (IP-tala skráð) 26.1.2008 kl. 12:02]

Þeir klúðruðu þýðingunni aðeins Moggamenn!. Þetta á að vera svarhol sem hefur massa jafnt og 18 milljarðar sóla.

Sjá grein á netinu:http://www.dabydeen.com/labels/Science.html

Í rauninni erum við að líta aftur í tíman með því að skyggnast svona langt út í alheiminn. Þetta er í 3,5 milljarða ljósára fjarlægð frá jörðinni. Það þýðir að þetta gerðist fyrir 3,5 milljörðum ára og þessu hluti alheimsins lítur í raun allt öðru vísi út í dag. Hann gæti litið út svipað og nágrenni okkar vetrarbrautar gerir í dag. Dulstirni eða Quasars telja menn að séu eins konar forverar stjörnuþoka þar sem stórt svarthol sogar til sín efni. Það má nærri segja að stjörnuþokur séu eins og ryksugur sem soga til sín efni sem er á sveimi í geimnum.  Okkar stjörnuþoka er einnig búin að gera gott betur en það. Hún er búinn að gleypa tugi smástjörnuþoka í gegnum tíðina. Það má sjá leifar af örgum litlum stjörnuþokum í þyrilörmum okkar stjörnuþoku. Kveðja Þorvaldur (MS í Eðlisfræði)

Kveðja Þorvaldur (MS í Eðlisfræði)

[Kári Helgason (IP-tala skráð) 26.1.2008 kl. 12:40]

Blessaður Andrés og gott svar Þorvaldur. Fréttin skýrir illa að svartholið er langt langt út fyrir okkar Vetrarbraut. Ég nota alltaf orðið vetrarbraut en ekki stjörnuþoka þar sem hið síðarnefnda er loðnara notað fyrir mörg mismunandi fyrirbæri. ÞAð er mikilvægt að átta sig á að hérna er ekki um staðfestingu á tilvist svarthola að ræða (þótt líkurnar séu miklar) en góður punktur í kladdan sem bætist við staðfestingu Almennu Afstæðiskenninguna.

kv,

Kári Helgason (B.S.) Eðlisfræði

[Þorvaldur V. Þórsson (IP-tala skráð) 26.1.2008 kl. 18:17]

Við þetta má bæta að samvkæmt kenningum eðlisfræðinar um svokallaðan Schwarzschild radíus þá er hægt að reikna út að ef sólinni yrði pakkað saman í hnött sem hefur 3 km radíus þá yrði hún að svartholi. Ef hægt væri að hugsa sér ef massi með 16 milljörðum sinni massa yrði pakkaður saman í svarthol þá yrði radíus(eða stærð) svartholsins 48 milljarðar km í radíus það er 6-7 föld mesta fjarlægð reikistjörnunar Plútó frá sólinni.  Þegar ég tala um radíus svartholsins er ég að tala um þá fjarlægð frá svartholinu þar sem ljós sleppur ekki burtu(event horizon). Þetta er sannarlega ógnarstórt svarthol.

Kveðja Þorvaldur

[Gunnar (IP-tala skráð) 26.1.2008 kl. 21:40]

Þetta er gífurleg stærð. Til samanburðar má nefna að menn telja að í miðju okkar vetrarbrautar sé risasvarthol sem knýr allt kerfið og hugsanlega er það 2-3 milljónir sólarmassa. Sem sagt bara vasaútgáfa miðað við flykkið OJ287