Mun tunglið varpa skugga á sólina?

Það er aldeilis að tunglið er farið að taka upp á ótrúlegum uppátækjum í ellinni.

Eflaust bara fljótfærnis mistök hjá mbl. Ég er viss um að ef þeir hugsa málið þá vita þeir vel að tunglið er að skyggja á sólina, frá okkur séð, en það þyrfti ansi magnaðann ljósgjafa á jörðinni, og tunglið þyrfti raunar að vera töluvert stærra og nær sólu, til að farið væri að tala um að það varpaði raunverulega skugga á hana.

Stundum bara pirrandi hvað svona tækni og vísindi fréttir virðast oft skrifaðar fljótfærnislega.

Íslendingar sjá sólmyrkva í fyrramálið

Athugasemdir

[Karma (IP-tala skráð) 31.7.2008 kl. 11:44]

Þessi frétt ber þess merki að vera þýdd illa og blaðamaður hefur væntanlega engan skilning á sólmyrkvum.

"Sólmyrkvar verða þegar sól, tunglið og jörð liggja í beinni línu þannig að skuggi tunglsins fellur á jörðu. Að auki verður tungl að vera fullt eða nýtt. Nýtt er tungl þegar hin myrkvaða hlið þess snýr að jörðu þannig að það sést ekki."

Ef Tungl er fullt getur ekki komið sólmyrkvi. Aftur á móti getur komið tunglmyrkvi því þá er Jörðin nær Sólu en Tunglið.

Mbl.is ætti að hætta með þessar tækni og vísindi fréttir og linka frekar á upphaflegu fréttina.

[Sævar Helgi (IP-tala skráð) 31.7.2008 kl. 15:35]

Held að þetta sé bara smá fljótfærnisvilla hjá blaðamanninum þar sem þetta er  að einhverju leyti texti sem tekinn er af Stjörnufræðivefnum og örlítið breyttur. Þarna er bara tunglmyrkvum og sólmyrkvum slegið saman. Hér er upphaflega greinin:

http://www.stjornuskodun.is/vefur/solkerfid/jordin/solmyrkvar.html

Tunglið verður að sjálfsögðu að vera nýtt til þess að það geti gengið fyrir sólina frá jörðu séð. Þegar það er fullt getur það aftur á móti gengið inn í skugga jarðar og þá verður tunglmyrkvi. 

Textinn í fréttinni á auðvitað að vísa til þess að tunglið varpi skugga á jörðina en ekki sólina.